Մարտի 1-ից մինչև մայիսի 12-ը կանցկացվեն պահեստազորայինների վարժական հավաքներ։ Համապատասխան նախագծով հանդես է եկել ՀՀ պաշտպանության նախարարությունը:
E-draft.am հարթակից տեղեկանում ենք, որ նախատեսվում է վարժական հավաքներին ներգրավել մինչև 3281 քաղաքացու, որոնցից 2897-ը շարքային և կրտսեր ենթասպայական կազմերի, 152-ը ավագ ենթասպայական կազմի, 232-ը սպայական կազմի պահեստազորայիններ համազորային և հրթիռահրետանային մասնագիտություններով։
«Հայտարարված վարժական հավաքների ընթացքում յուրաքանչյուր քաղաքացի ներգրավվում է ոչ ավելի, քան 25 օրով»,– ասված է նախագծում։
Բացի այս, կներգրավվի մինչև 306 միավոր տրանսպորտային միջոց՝ յուրաքանչյուր տրանսպորտային միջոցի ներգրավումը ոչ ավելի, քան 7 օրով։