«Ընդդիմադիր շարժումը տապալվեց, քանի որ իրական Հայաստանը ընկալվում է ժողովրդի կողմից: Ի վերջո, Հայաստանում հայտնվել է քաղաքական ուժ, որը վերցնում է ժողովրդի մտածածն ու այն ձևակերպում որպես քաղաքական գաղափարախոսություն»,- ասել է Նիկոլ Փաշինյանը: 

Ահա այս սոուսի ներքո է Փաշինյանը հայտարարում, որ, իբր, Սրբազանի շարժումը տապալվել է: Հասկանալու համար՝ արդյո՞ք համամիտ են մեր ընթերցողները այս պնդման հետ, MediaHub-ը անցկացրեց հերթական հարցումը: 

Նշենք, որ նյութը պատրաստելու պահին հարցմանը մասնակցել է ավելի քան 10.000 մարդ։

Այսպես, «Այո» պատասխանն ընտրել են հարցվածների 52%-ը, «Ոչ» պատասխանը՝  27%-ը:

«Այո, Փաշինյանի իրական Հայաստանը ընդդիմություն չունի» տարբերակն ընտրել է հարցվածների 5%-ը, իսկ 13%-ն ընտրել են «ՔՊ–ն է մարել, ոչ թե շարժումը»: Մեր ընթերցողների 4%-ն էլ ընտրել է «Շարժումը մարել է, իրական Հայաստանը մեր ապագան է» տարբերակը։

Հարցման մասնակիցները, ինչպես միշտ, թողել են իրենց մեկնաբանությունները, ահա դրանցից մի քանիսը․

«Ո՛չ իշխանություն կա, ո՛չ ընդդիմություն»։
«Այդ ասողը եթե ասի մածունը սպիտակ է, չեմ հավատա, քանի որ դժվար է հավատալ թշնամուն»։

«Իրական Հայաստանը ՔՊ-ական Փաշինյան չունի»։

«Ես զարմանում եմ, պետք չի իր ասածների վրա ուշադրություն դարձնել, իր գիրքը կարդացեք և կհասկանաք»։

«Ընդդիմադիր շարժումը դեռ բոցավառվելու է, այժմ էլ շարունակվում է»։

«Ի՞նչ իրական և ի՞նչ պատմական Հայաստանի մասին է խոսքը, երբ ակնհայտ է, որ Հայաստանը արդեն իսկ թուրքական թելադրանքի և պարտադրանքի ազդեցության տակ է»։

«Հայաստանում խմորումներ են և հիմա նոր ուժեր են ձևավորվում, լավ է լինելու՝ չվախենաք»։

«Փաշինյանը թող ժողովրդի գրպանից ծախսեր չանի, նման հայտարարություններ էլ չանի»։

«Այս երկիրը չի փոխվում ու չի փոխվի, լավ է գնացել ենք»։

«Հայ մարդու իրական Հայաստանը ամենաանուշ երազից էլ անուշ է, իսկ Փաշինյանը այդ երազանքից կրծոտած մի կտոր է թողել ու փորձում է համոզել, թե դա էլ է մեզ շատ»:

«Անցյալ եթե չկա, երբեք չի լինի ներկա, հիմարություն է իրականը, հինգ տարի ի՞նչ արեցին երկրի և ժողովրդի հետ. Ամո՛թ է, ժողովրդի անունից չխոսաք»։

«Այնտեղ շարժում չկար, ընդիմություն էլ չկա, եթե ցանկություն լիներ կստացվեր»։

«Դավաճան, հաջորդ թիրախը Տիգրանաշենն է ...»։

Մարիաննա Արամյան