Ադրբեջանի և Ռուսաստանի արտգործնախարարներ Ջեյհուն Բայրամովն ու Սերգեյ Լավրովը չորեքշաբթի հեռախոսազրույց են ունեցել, որի ընթացքում կարևորվել է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի, և Ռուսաստանի նախագահ Վլադիմիր Պուտինի կողմից ավելի վաղ ստորագրված եռակողմ հայտարարությունների դրույթների ամբողջական կատարումը: Այս մասին հայտնել են Ադրբեջանի ԱԳՆ-ից։
«Ընդգծվել է Ադրբեջանի, Հայաստանի և Ռուսաստանի ղեկավարների կողմից ստորագրված եռակողմ հայտարարությունների դրույթների ամբողջական կատարման կարևորությունը»,- ասված է արտաքին քաղաքական գերատեսչության հաղորդագրության մեջ:
Միաժամանակ, շարունակել են նախարարությունում, կողմերը մտքեր են փոխանակել տարածաշրջանում տրանսպորտային-տարանցիկ հարցերի շուրջ և հատուկ կարևորել Ռուսաստանի, Ադրբեջանի և Իրանի տարածքով անցնող «Հյուսիս-Հարավ» տրանսպորտային միջանցքի ներուժի ընդլայնումը: