Գեղարքունիքի մարզի ծննդօգնություն իրականացնող բուժհաստատություններում 2023 թվականի հունվար ամսին գրանցվել է 184 ծնունդ՝ 95 տղա եւ 89 աղջիկ։ Ինչպես տեղեկացրին Գեղարքունիքի մարզպետարանի առողջապահության եւ սոցիալական ապահովության վարչությունից, 90 երեխա լույս աշխարհ են եկել Մարտունու ծննդատանը, 39-ը՝ Գավառի, 38-ը՝ Սեւանի, 15-ը՝ Վարդենիսի բժշկական կենտրոններում, 2-ը՝ Ճամբարակի առողջության կենտրոնում։

55 երեխա ծնվել են կեսարյան հատումով։

2022 թվականի հունվարին Գեղարքունիքի մարզի ծննդօգնություն իրականացնող բուժհաստատություններում գրանցվել է 112 ծնունդ՝ 58 տղա, 54 աղջիկ։ Փաստորեն, նախորդ տարվա առաջին ամսի համեմատ այս տարվա հունվարին Գեղարքունիքում ծնված երեխաների թիվն ավելացել է 71-ով։