Երևանի քաղաքապետարանը որոշել է կտրուկ թանկացնել «կարմիր գծերում» կայանելու վճարը՝ տարեկան 12 հազարից դարձնելով 160 հազար։ Սա առաջացրել է վարորդների ու Երևանի ավագանու ընդդիմադիր անդամների դժգոհությունը։
Կենտրոն վարչական շրջանի նախկին ղեկավար Վիկտոր Մնացականյանը, սակայն, Mediahub-ի հետ զրույցում ասաց, որ ողջունում է քաղաքապետարանի այս քայլը, որ վերջապես կամք դրսևորեցին այսպիսի որոշման համար, սակայն դա պետք չէր անել այս ձևով։
Ըստ նրա՝ քաղաքապետարանում տրանսպորտի մասնագետներ չկան, համենայնդեպս՝ ինքը չի ճանաչում այդպիսի մասնագետի, ու պետք էր դրա համար նախ մասնագետների հետ քննարկում անցկացնել, բացի այդ, քաղաքապետարանը պետք է ավտոպարկինգների հարց լուծի քաղաքի տարբեր տեղերում։
Մանրամասն՝ տեսանյութում
Վահե Մակարյան