Գլխավոր դատախազին ուղղված բողոք կպատրաստենք՝ քննչական մարմնի անգործության մասին։ Այս մասին այսօր Հակակոռուպցիոն կոմիտեի շենքի դիմաց ասաց փաստաբան Վահան Հովհաննիսյանը։
Հիշեցնենք, որ արդեն մի քանի օր է` 44-օրյա պատերազմում զոհված զինծառայողների ծնողները բողոքի ակցիաներ են իրականացնում Գլխավոր դատախազության դիմաց, նրանք նշում են, որ դատախազությունը պետք է հետևողական լինի և մեղավորներին պատժի պատերազմի նման արդյունքի համար։
Նշենք, որ ծնողները դատախազությունից պահանջում են, որ Նիկոլ Փաշինյանին մեղադրյալ ճանաչեն։
Փաստաբանի խոսքով՝ Գլխավոր դատախազության և Հակակոռուպցիոն կոմիտեի գործողությունները չեն համապատասխանում։ «Երեկ դատախազության ներկայացուցիչը տուժողներին հայտնել էր, որ Քննչական մարմինը սպասում է, որ կատարի քննչական գործողություններ, ճանաչի տուժողի իրավահաջորդ, և հետո արդեն հնարավորություն ունենա միջնորդություններ ներկայացնել»,- ասաց փաստաբանը և հավելեց, որ այսօր ծնողների հետ այդ պահանջով են եկել կոմիտե, սակայն նրանց հայտնել են, որ դատախազության այդ հայտարարությունից տեղյակ չեն։
Մանրամասները՝ տեսանյութում