ԱՄՆ-ում գնաճը հասել է առաջին անհրաժեշտության սպառման ապրանքներին։ Ինչպես հայտնում է Bloomberg-ը, վերջին 40 տարվա ընթացքում առաջին անգամ երկրում հացի գներն կտրուկ թանկացել են։

Ըստ Bloomberg-ի՝ հունիսին մեկ ֆունտ սպիտակ հացի գինը ԱՄՆ-ում հասել է ռեկորդային 1,69 դոլարի՝ 12%-ով ավելի, քան նախորդ տարի: Ցորենի հացը նույնպես հասել է պատմության ամենաբարձր գնին՝ 2,22 դոլար՝ մոտ 500 գրամի դիմաց:

Ամերիկացիներն այժմ փորձում են շրջանցել  հացաբուլկեղենի հարկաբաժինները, քանի որ մթերային զամբյուղում նախկինում ծանոթ ապրանքները գնելն իրենց հնարավորություններից վեր է: Բացի դրանից, ամերիկացիները նաև ավելի քիչ կաթ և ձու են գնում մանրածախ առևտրից:

Հուլիսի 13-ին հայտնի դարձավ, որ ԱՄՆ-ում տարեկան գնաճը հունիսին արագացել է մինչև 9,1 տոկոս։ Սա ամենաբարձրն է 1981 թվականի նոյեմբերից ի վեր։