Այլևս անընդունելի են այս իշխանությունների մասնակցությամբ բռնության դեպքերը։ Այսօր ԱԺ-ում հայտարարությունների ժամին նման հայտարարություն արեց «Հայաստան» խմբակցության պատգամավոր Գառնիկ Դանիելյանը։
Նա նշեց, որ իրենք կանխատեսել էին իրենց նկատմամբ բռնությունները, բայց այն, որ ՔՊ-ական պատգամավորը կնոջ հետ նամակագրության ժամանակ կարող է սեռական բնույթի հայհոյանքներ գրել, սպասելի չէր։
«Տրամաբանական է, որ այս դրսևորումների շղթան չի ավարտվելու, քանի դեռ իրավական գնահատական այս ամենին չկա։ Դիլիջանի քրեականի պետի կողմից երեխային ծեծի ենթարկելու անմարդկային դեպքին հաջորդեց ՔՊ-ական ՋՕԸ պետի կողմից հիվանդ տղային ծեծելը։ Այս դեպքերը չմարսած լսեցինք Գյումրու քաղաքապետարանում քաղաքացու հանդեպ կիրառված բռնության մասին, որտեղ աշխատակիցն ասել էր՝ մենք իշխող կուսակցությունից ենք ու մենք ենք օրենք թելադրում։ Սրան հաջորդում է ոստիկանության կողմից փաստաբանի նկատմամբ բռնությունը։ Վախի մթնոլորտը օրեցօր թափ է ստանում։ Մինչև ո՞ւր կարող է հասնել երկրում տիրող «բեսպրեդելը»։ Սա ձեր դավանած ժողովրդավարությո՞ւնն է»,- հարց հնչեցրեց նա։
Մանրամասները՝ տեսանյութում։