Արցախի պետնախարար Ռուբեն Վարդանյանն այսօրվա ուղիղ եթերում անդրադարձավ Արցախի հարցին, մասնավորապես՝ երեկ ՄԱԿ-ի Անվտանգության խորհրդում տեղի ունեցած քննարկմանը։
«Շատ կաևոր է, որ բոլոր երկրների արձագանքը միակողմանի էր՝ անընդունելի է այն, ինչ-որ կատարվում է Արցախում։ Երկրների արձագանքը շատ կտրուկ էր՝ բացել ճանապարհն առանց նախապայմանների»,-ասաց Արցախի պետնախարարը։
Ռուբեն Վարդանյանը նշեց, որ այս ձևաչափով շարունակելու է հաղորդակցությունը և ազնիվ ու պարզ ասելու է այն, ինչը ճիշտ կհամարի։ Այնուհետև, նա խոսեց Արցախի նորանշանակ Առողջապահության նախարարի նշանակման մասին։
«Շնորհակալ եմ պարոն Ավետիսյանին, որ Հայաստանից եկել է Արցախ՝ Առողջապահության ոլորտը բարձրացնելու համար»,-ընդգծեց Վարդանյանը։
Հիշեցնենք, որ արդեն 10 օր է ադրբեջանցիները փակել են Լաչինի միջանցքը, որն արտաքին աշխարհի հետ կապող միակ ճանապարհն է՝ երկիրը կանգնեցնելով հումանիտար աղետի շեմին։
Մանրամասները՝ տեսանյութում։