Չինաստանում բժիշկը 2,5 տարվա բանտարկության է դատապարտվել՝ անզգուշության հետեւանքով ընկերուհուն կյանքից զրկելու համար։ Այս մասին հայտնում է South China Morning Post պարբերականը։ Համաձայն հրապարակման, բժիշկը աշխատել է Չինաստանի հարավ-արեւմտյան շրջաններից մեկի հիվանդանոցներից մեկում։ Ամռանը նա համացանցով ծանոթացել է մի աղջկա հետ, ով եղել է առեւտրական գործակալ։ Այն բանից հետո, երբ նրանց հարաբերությունները սկսել են ռոմանտիկ բնույթ ստանալ, աղջիկը խնդրել է, որպեսզի բժիշկ տղան իրեն ներարկում կատարի՝ անքնությունը հաղթահարելու համար։
Տղան համաձայնել է եւ կատարել ներարկումներ, սակայն պարզվել է, որ դրանք թույլատրվածից շատ են եղել եւ աղջիկը մահացել է այդ դեղամիջոցի առաջացրած ինտոքսիկացիայից։ Դեղագործները նշում են, որ տվյալ դեղանյութը նախատեսված չէ անքնության բուժման համար, իսկ չափաբաժինը, որը աղջիկը խնդրել է ներարկել, թույլատրելի չի եղել ներարկման համար։