Հայաստանի բացակայությունը Հավաքական անվտանգության պայմանագրի կազմակերպության (ՀԱՊԿ) միջոցառումներին, ներառյալ՝ Աստանայում վերջերս կայացած գագաթնաժողովին, վնասում է երկրի հեղինակությանը, հայտարարել է ՀԱՊԿ անդամ Բելառուսի Անվտանգության խորհրդի պետքարտուղար Ալեքսանդր Վոլֆովիչը։
«Կազմակերպության անդամներից մեկի միտումնավոր բացակայությունը, ես այդպես կասեի, միտումնավոր բացակայությունը Հայաստանի հեղինակությունը դրական չի դարձնում։ Բայց դա որևէ կերպ չի անդրադառնում ընդհանուր օրակարգի վրա»,- Բելառուսի պետական հեռուստաընկերության եթերում հայտարարել է նա։
Հայաստանը ավելի վաղ հայտարարել է, որ սառեցնում է իր մասնակցությունը ՀԱՊԿ-ի միջոցառումներին, վերջերս հրաժարվել էր իր բաժին ֆինանսավորումը հատկացնել այդ կառույցին։