Չեչնիայի ղեկավար Ռամզան Կադիրովը հայտարարել է, որ Ռուսաստանը պետք է կանխի Սիրիայում հումանիտար աղետը։
Դրա համար, ըստ ռուսական տարածաշրջանի ղեկավարի, անհրաժեշտ է կանխել Ռուսաստանի և նոր իշխանությունների միջև հարաբերությունների սրումը և սկսել «Հայաթ Թահրիր ալ-Շամ» խմբավորումն ահաբեկչական կազմակերպությունների ցուցակից հանելու ընթացակարգ։
«Դրական գործընթացներ սկսելու համար անհրաժեշտ է սկսել «Հայաթ Թահրիր ալ-Շամ»-ի և նրա ներկայացուցիչներին ահաբեկչական կազմակերպությունների ռուսական ցուցակից հանելու ընթացակարգ։ Կարևոր է, չսպասելով այս գործընթացի սկզբին կամ ավարտին, անհապաղ կազմակերպել երկու երկրների կոնտակտային խմբի աշխատանքը, որը կկարողանա կառուցել առաջին կապերը և սկսել լուծել խնդիրները։
«Սա համաշխարհային պրակտիկա է, որը թույլ է տալիս հնարավորինս արագ դուրս գալ ճգնաժամից և օգնել բնակչությանը»,- գրել է Ռամզան Կադիրովը Telegram-ի իր ալիքում։
Նա նաև առաջարկել է կոնտակտային խմբում ներգրավել Չեչնիայի Հանրապետությունում ապրող և աշխատող սիրիացիներին։