ՌԴ ԱԳ նախարար Սերգեյ Լավրովն ասել է, որ Գերմանիան ու Միացյալ Նահանգներն են կարող պարզաբանել ռուս ընդդիմադիր գործիչ Ալեքսեյ Նավալնիի մահվան պատճառները։
Նավալնին մահացել է այս տարվա փետրվարի 16-ն ռուսական բանտում։
«Գերմանիան, շփվելով ԱՄՆ-ի հետ, կարող է ավելի շատ տեղեկություններ տրամադրել Ալեքսեյ Նավալնիի բուժման մասին»,- լրագրող Թաքեր Կառլսոնին տված հարցազրույցում ասել է ՌԴ արտգործնախարար Սերգեյ Լավրովը։
Նա նշել է, որ դեռևս տվյալներ չկան Գերմանիայում 2020 թվականին քաղաքական գործչի բուժման վերաբերյալ։ «Պատասխան չկա հարցին, թե որտեղ են բժշկական հետազոտությունների արդյունքները վերջերս մահացած Նավալնիի, ով Գերմանիայում բուժվել է 2020 թվականի աշնանը»,- ընդգծել է դիվանագետը։