Բուխարեստում ընթացող հունահռոմեական ոճի ըմբշամարտի Մ23 տարեկանների առաջնությունում Հայաստանի ներկայացուցիչ 55 կգ քաշային Կարապետ Մանվելյանը կիսաեզրափակչում հաղթեց թուրք ըմբիշին։ Մեր մարզիկի ու Մուհամմեդ Էմին Չաքըրինի պայքարը ավարտվել էր 1:1 հաշվով, բայց համաձայն կանոնների՝ հաղթեց Մանվելյանը, քանի որ նա էր հավասարեցրել հաշիվը՝  ստանալով երկրորդ միավորը։ 

Ավելի վաղ Կարապետ Մանվելյանը 7:1 հաշվով պարտության է մատնել Հասանովին։ Պարտված ադրբեջանցի ըմբիշ Ռահիմ Հասանովը հրաժարվել է սեղմել նրա ձեռքը և հարվածել է Հայաստանի ներկայացուցչին:

Ըմբշամարտի միջազգային ֆեդերացիան որակազրկել է ադրբեջանցի մարզիկին՝ հայ մրցակցի հանդեպ ոչ սպորտային և ագրեսիվ վարքի համար։