«Արցախից ՀՀ նոր ժամանողներ չկան․ ժամը 20։00-ի դրությամբ` Արցախից բռնի տեղահանված 100․632 անձ արդեն Հայաստանում է»,- այդ մասին այսօր՝ մամուլի ասուլի ժամանակ, հայտարարել է Հայաստանի վարչապետի մամուլի քարտուղար Նազելի Բաղդասարյանը՝ ընդգծելով, որ 99.2%-ն արդեն գրանցված է Հայաստանում։

Բաղդասարյանը նշեց, որ 13 415 անձ կամ 13.5 տոկոսն արդեն իսկ հաշվառվել է առաջնային բուժհաստատություններում` պոլիկլինիկաներում, ամբուլատորիաներում, 8000 աշակերտ հաճախում է ՀՀ կրթական տարբեր հաստատություններ։

«Բուժկենտրոններում բուժվում է ԼՂ-ից բռնահանված 303 բուժառու, նրանցից 113-ի վիճակը ծանր է, 11-ի վիճակը՝ ծայրահեղ ծանր: Վերակենդանացման բաժանմունքում է գտնվում 5 երեխա»։