Այսօր՝ մարտի 25-ին, խոշոր ավտովթար է տեղի ունեցել Արագածոտնի մարզում։ Ժամը 15։10- ի սահմաններում Աշտարակ-Ապարան ավտոճանապարհի 12 կմ-ին՝ Արտաշավան գյուղի վարչական տարածքում բախվել են Դավիկ Շախկալյանի վարած «Opel Zafira» մակնիշի, Արմեն Մնեյանի վարած «Opel Zafira» մակնիշի և Գուրգեն Հովհաննիսյանի վարած «Opel Astra» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով «Opel Astra»-ի վարորդն ու վարորդներից Դ․ Շախկալյան ու նրա ուղևորներ, 15-ամյա Գոռ Մնեյանը, 40-ամյա Սոնա Քոչարյանը տեղափոխվել են «Աշտարակ» բժշկական կենտրոն, որտեղ Ա․ Մնեյանը, Գ. Մնեյանն ու Ս․ Քոչարյանը համապատասխան բուժօգնություն ստանալուց հետո հրաժարվել են հիվանդանոցում մնալուց, իսկ Գ․ Հովհաննիսյանը «Աշտարակ» բժշկական կենտրոնից տեղափոխվել է Երևանի «Սուրբ Գրիգոր Լուսավորիչ» բժշկական կենտրոն։

Դեպքի վայր են ժամանել ՀՀ Ներքին գործերի նախարարության փրկարար ծառայության Աշտարակի թիվ 19 հրշեջ-փրկարարական ջոկատից 1 մարտական հաշվարկ։

Հրշեջ-փրկարարները հոսանքազրկել են ավտոմեքենաները, փակել գազաբալոնների փականներն ու տեղում իրականացրել հերթապահություն։

Վթարի փաստով քննչական վարչությունում նախաձեռնվել է քրեական վարույթ։