Եվրասիական տնտեսական միությանը և ԵՄ-ին միաժամանակ անդամակցությունն անհնար է,- «Իզվեստիա»-ին տված հարցազրույցում ասել է ՌԴ արտաքին գործերի փոխնախարար Միխայիլ Գալուզինը։
«Առաջին հերթին մենք բացարձակապես կործանարար ենք համարում Արևմուտքի գիծը Հարավային Կովկասում, քանի որ այն ուղղված է ոչ թե Ռուսաստանի համար ռազմավարական նշանակություն ունեցող այս տարածաշրջանում իրավիճակի կայունացմանը, այլ փորձելուն այս թևից «նպաստել» մեզ ռազմավարական պարտություն կրելուն։ Երբեմն նույնիսկ խոսվում է որոշ երկրներին համոզելու փորձեր բացել Ռուսաստանի դեմ երկրորդ ճակատ՝ Անդրկովկասում»,- ասել է նախարարը։։
«Ինչ վերաբերում է մի կողմից Հայաստանի, մյուս կողմից Եվրամիության, և ամբողջ Արևմուտքի միջև կապերի ամրապնդմանը, ելնում ենք հետևյալից. Պաշտոնական Երևանը, հայկական պետությունը, հայ հասարակությունը և հայ ժողովուրդը ինքնիշխան որոշումներ են կայացնում՝ ինչպես կառուցել իրենց արտաքին քաղաքականությունը և ինչպես դասավորել իրենց երկիրը միջազգային հանրության մեջ։ Դա նրանց իրավասությունն է, և մենք, ինչպես գիտեք, երբեք չենք խառնվում այլ պետությունների ներքին գործերին և որևէ բաղադրատոմս կամ մեր տեսլականը չենք պարտադրում այլ պետությունների, այլ փորձում ենք երկխոսության միջոցով մշակել փոխադարձ ընդունելի եղանակներ և փոխզիջումային մոտեցումներ որոշ հարցերի լուծման համար»,- նշել է Գալուզինը։
Նա ասել է, որ և՛ հրապարակայնորեն, և՛ հայ գործընկերների հետ երկխոսության ընթացքում «հստակ հայտարարել են», որ ԵԱՏՄ-ին և Եվրամիությանը միաժամանակ անդամակցելն անհնար է, քանի որ դրանք երկու անհամատեղելի կարգավորիչ համակարգեր են՝ տարբեր մոտեցումներով մաքսային ստանդարտների, տեխնիկական, սանիտարական և բուսասանիտարական և նույնիսկ ապրանքի մակնշման, նույնիսկ ապրանքի սեփականության պիտակավորման և նաև մտավոր սեփականության հարցերին։ «Սրանք բոլորովին այլ համակարգեր են, և դրանցում միաժամանակ լինելն ուղղակի անհնար է»։
«Ինչ վերաբերում է մերձեցման օգտին տարբեր նախագծերի և մասնավորապես առանց վիզայի ռեժիմի շուրջ Հայաստանի և Եվրամիության միջև բանակցություններ սկսելու մասին հարցին, այո, նման բանակցությունները սկսվել են։ Մենք տեսնում ենք, որ Եվրամիությունն այստեղ նույնպես հավատարիմ է ինքն իրեն, քանի որ առանց վիզայի հարաբերությունների առումով որևէ խոստում տալու կամ որևէ լուրջ որոշում կայացնելու՝ Հայաստանից արդեն պահանջում է քաղաքական լոյալություն և հակառուսական պատժամիջոցների հավատարմություն»,- ընդգծել է դիվանագետը։
ՌԴ արտաքին գործերի փոխնախարարի խոսքով՝ այս ամենը տեղի է ունենում այն բանի ֆոնին, որ Հայաստանի անդամակցությունը Եվրասիական տնտեսական միությանը շոշափելի և զգալի երկարաժամկետ օգուտներ է բերում ԵԱՏՄ-ի հետ առևտրի ավելացման և ԵԱՏՄ-ից Հայաստան ներդրումների ավելացման տեսքով։