ՆԱՏՕ-ի գլխավոր քարտուղար Մարկ Ռյուտեն իր առաջին հանդիպումն է անցկացրել Միացյալ Նահանգների նորընտիր նախագահ Դոնալդ Թրամփի հետ։
«Նրանք քննարկել են դաշինքի առջև ծառացած գլոբալ անվտանգության մարտահրավերների ամբողջ շրջանակը»,- հայտնել է կազմակերպության մամուլի ծառայությունը։
Ավելի վաղ Washington Post-ը գրել էր, որ ՆԱՏՕ-ի գլխավոր քարտուղարը մտադիր է առաջիկայում Միացյալ Նահանգների նորընտիր նախագահ Դոնալդ Թրամփի հետ քննարկել Ուկրաինայի պատերազմի հարցով ռազմավարությունը։
Ակնկալվում է, որ Թրամփը կդրդի ՆԱՏՕ-ի անդամներին ավելի շատ վճարել պաշտպանական ծախսերի համար։ Նա նաև պնդել է, որ «կխրախուսի» Ռուսաստանին «անել ինչ ուզում են» այն երկրներին, որոնք, իր կարծիքով, չեն վճարում իրենց գումարները, հայտնել է DW-ն։
Հանդիպումը տեղի է ունեցել Թրամփի՝ Մար-ա-Լագոյի կալվածքում: