Ռուսաստանը, որը ռազմավարական գործընկերության և դաշնակցային հարաբերություններ ունի և՛ Ադրբեջանի, և՛ Հայաստանի հետ, բոլոր հնարավոր աջակցությունն է ցուցաբերում խաղաղ գործընթացին այն ձևով և ծավալով, որով շահագրգռված են մեր ադրբեջանցի և հայ ընկերները։
Այս մասին հայտարարել է ՌԴ ԱԳ նախարար Սերգեյ Լավրովը՝ պատասխանելով հարցին, թե Ռուսաստանը ակնկալո՞ւմ է, որ առաջիկա ամիսներին Հայաստանն ու Ադրբեջանը խաղաղության պայմանագիր կստորագրեն։
Նա նաև նշել է, որ ավելի տրամաբանական է այս հարցն ուղղել բանակցող կողմերին՝ Երևանին և Բաքվին։