Դրամի փոխարժեքը՝ այսօր
Եղանակը՝ այսօր
ԿԱՐԵՎՈՐ ԼՈւՐԵՐ

Ինչո՞ւ էր Երևան–Մոսկվա չվերթի ինքնաթիռը հարկադիր վայրէջք կատարել Մախաչկալայում

Blog Image

Մոսկվայից Երևան չվերթ իրականացնող «Աերոֆլոտ» ավիաընկերության ինքնաթիռը երեկ հարկադիր վայրէջք էր կատարել Մախաչկալայում: 

Ինչպես հայտնեցին տելեգրամյան տարբեր ալիքներ, պատճառն օդային տարածքի փակ գոտու ընդլայնումն էր, որի հետևանքով ինքնաթիռի վառելիքը սպառվել էր, և անձնակազմը որոշում էր կայացրել արտակարգ վայրէջք կատարել Մախաչկալայում՝ լիցքավորման համար։

MediaHub-ին Քաղաքացիական ավիացիայից հայտնեցին, որ երեկ Մոսկվա–Երևան չվերթը իրականացնող օդանավը բարեհաջող վայրէջք է կատարել Երևանում։ Սակայն հարցին, թե ինչո՞ւ էր Մախաչկալայում հարկադիր վայրէջք կատարվել, Քաղաքացիական ավիացիայից մեզ հայտնեցին, որ չեն կարող ասել պատճառը, քանի որ չգիտեն այն, և որ շատ անգամ, եթե անգամ չեղարկվում են թռիչքները, պատճառները չեն հայտնում։

Մարիաննա Արամյան

Send