Երեկ Նիկոլ Փաշինյանը խոսեց զինվորների կյանքեր փրկելու մասին, ու որերորդ անգամ այդ զինվորների թիվը փոխվում է՝ նախ 20 հազար էր, ապա 30 հազար, հիմա էլ պարզվեց՝ 25 հազար է։ Սա ցույց է տալիս, որ հայ զինվորի կյանքը Փաշինյանի համար արժեք չունի։ Այդ մասին այսօր հրավիրված ասուլիսում ասաց «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով Փաշինյանի հիմնավորումներին՝ կապված նոյեմբերի իննի հայտարարության հետ։
Նրա խոսքով՝ պատերազմի օրերին, մասնավորապես, 2020 թվականի հոկտեմբերի 19-ին արտախորհրդարանական ուժերի հետ հանդիպման ժամանակ Նիկոլ Փաշինյանն ասել է՝ պատերազմն արդեն տանուլ է տրված, ասել է, որ ինքն է խնդրել ՌԴ-ին՝ Սյունիքում ռուսական դրոշներ տեղակայել։
«Այդ օրը հնարավորություն կար հրադադարի՝ Շուշիի պահպանմամբ։ Հոկտեմբերի 19-ից մինչև նոյեմբերի 9-ը բոլոր մահերը Փաշինյանի գործունեության հետևանք են»,- նկատեց նա։
Մանրամասները՝ տեսանյութում։