Երկու տարի է ասում ենք՝ համակարգերում լուրջ խնդիրներ ունենք, ինստիտուտները կայացած չեն, պետք է կայացնել։ Այս մասին այսօր ԱԺ-ում իր ելույթի ժամանակ ասաց ՔՊ խմբակցության պատգամավոր Վիլեն Գաբրիելյանը՝ անդրադառնալով «Պաշտպանության մասին» օրենքում փոփոխություն մտցնելու հարցին։
«Աշխարհի ամենաբովանդակալից նախագիծն ա, մի քիչ բովանդակություն տամ։ Էս փոփոխության համար մի հսկայական կառույցի ղեկավար օրերով էստեղ է գալիս մի բառակապակցություն փոխելու համար։ Ժամերով ժամանակ ա ծախսում, որպեսզի մենք փոխենք։ Պետք ա մտածենք, 21-րդ դարն է, 23 թիվն ա»,- ասաց Գաբրիելյանը։
Գաբրիելյանը նշեց, որ խնդիրները պետք է դրվագային չլուծվեն, «հետևողական պետք է լինել ու խնդիրներին համակարգային լուծում տալ»։
Մանրամասները՝ տեսանյութում