Դրամի փոխարժեքը՝ այսօր
Եղանակը՝ այսօր
ԿԱՐԵՎՈՐ ԼՈւՐԵՐ

Ադրբեջանն անցավ գործի. Կարմիր շուկայի ուղղությամբ ինտենսիվ կրակոցներ են եղել

Blog Image

Գիշերը, ժամը 02։00-ից մինչև լուսադեմ ժամը 06։00-ը, Արցախի Կարմիր շուկա գյուղի ուղղությամբ ինտենսիվ կրակոցներ են եղել։ Թշնամու կրակոցի հետևանքում գյուղում տանիք և պատուհան է վնասվել։ Այս մասին MediaHub.am-ը տեղեկացավ Կարմիր շուկայի օղու գործարանի պատասխանատու Սուրեն Առուշանյանից։

Առուշանյանը փոխանցեց, որ, բարեբախտաբար, զոհեր և վիրավորներ չկան։ 

«Եթե չեմ սխալվում, նաև ԴՇԿ տիպի գնդացրից է կրակոցներ եղել։ Համայնքում նաև կապն էր խափանված, բայց հիմա իրավիճակը հանգիստ է»,-փոխանցեց նա։ 

Նշենք, որ MediaHub.am-ը փորձեց կապ հաստատել նաև գյուղապետի հետ, որը, սակայն նշեց, որ ճիշտ կլինի, որ սպասենք պաշտոնական հայտարարությանը։ 

«Շուտով կլինի պաշտոնական հայտարարությունը»,-ասաց նա։ 

Լիաննա Թորոսյան

Send