Թուրքական հեռուստաալիքին տված հարցազրույցի ժամանակ նախագահ Թայիփ Էրդողանի առողջական վիճակը կտրուկ վատանալուց հետո խուճապ է տարածվել։
Հաղորդվում է, որ քարոզարշավի բազմաթիվ միջոցառումներ, որոնք նախատեսված էին անձամբ Էրդողանի մասնակցությամբ, արդեն չեղարկվել են։ Նախնական տվյալներով՝ նա տարել է սրտամկանի կաթված։
Որոշ լրատվամիջոցներ նույնիսկ հայտնում են, որ Էրդողանի ընտանիքի անդամներին խնդրել են շտապ այցելել նրան հիվանդանոցում։
Թուրքիայի նախագահին առընթեր անվտանգության և արտաքին քաղաքականության խորհրդի անդամ և Ալթընբաշ համալսարանի (Ստամբուլ) ռեկտոր Չագրի Էրհանը Lente.ru-ին տված մեկնաբանությունում անդրադարձել է Թուրքիայի առաջնորդի առողջական վիճակի մասին լուրերին։
Էրհանը հիշեցրել է, որ երեքշաբթի՝ ապրիլի 25-ին, ուղիղ եթերի ժամանակ Թուրքիայի նախագահը վատ է իրեն զգացել։ Կարճ ընդմիջումից հետո նա շարունակել է հարցազրույցը և ներողություն խնդրել ներկաներից՝ բացատրելով, որ վատառողջ է.
«Այսօր նա ամբողջ օրը հանգստացավ տանը և չեղարկեց նախընտրական հավաքները»,- ասել է Էրդողանի խորհրդականը։
Էրհանը հերքել է լուրերն այն մասին, որ թուրք առաջնորդը իբր սրտի կաթված է ստացել, և նման շահարկումներն անվանել է «ցայտուն օրինակ, թե ինչպես կարող են սոցիալական ցանցերը վտանգավոր կերպով օգտագործվել նենգ և անպատասխանատու մարդկանց կողմից»:
Վերջինս նաև նշել է, որ բժիշկներն արգելել են նրան հրապարակային ելույթ ունենալ ընտրությունների նախաշեմին, որոնք երկրում կանցկացվեն մայիսի 14-ին։
Միևնույն ժամանակ, քիչ առաջ թուրքական հեռուստատեսությունը հայտնեց, թե Էրդողանը կմասնակցի հինգշաբթի օրվա միջոցառումներին՝ առցանց:
Տեսանյութը՝ այստեղ
Միջազգային անցուդարձին ավելի արագ հետևելու համար՝ MediaHub.world