ԱԺ նախագահ Ալեն Սիմոնյանը պնդում է՝ իր վրա ջուր չեն լցրել, ճիշտ հակառակը, իրեն ու թիմակիցներին «ընդգծված ջերմությամբ» են վերաբերվում քաղաքացիները։
«Հարգելի ընկերներ, քաղաքացիներ,
Ինչ-որ տեղեկություն է տարածվել, իբր ինչ-որ միջադեպ է եղել, իմ վրա ինչ-որ քաղաքացի ջուր է շփել, նույնիսկ ինչ-որ չհաջողված գործիչներ պատրաստվում են պաշտպանել չգիտեմ ում, չգիտեմ ինչից և ինչի համար: Չեմ զարմանա, որ ֆորում հրավիրվի այս հարցի քննարկման համար: Բայց, սիրելիներս, պետք է հիասթափեցնեմ ձեզ, որևէ մեկը ինձ վրա ջուր չի շփել, և քարոզարշավը, որին հաճույքով մասնակցում եմ, աչքի է ընկնում միայն բնակիչների կողմից իմ և թիմակիցներիս նկատմամբ ընդգծված ջերմությամբ»,- գրել է Սիմոնյանը:
Հիշեցնենք՝ այսօր տեսանյութ էր տարածվել, թե ինչպես են երևանյան բակերից մեկում պատշգամբից ջուր լցնում Ալեն Սիմոնյանի վրա, նա էլ բարկացած ասում է, որ դա «լկտիություն է»։