American Airlines-ի չվերթը ԱՄՆ-ում հետաձգվել է Wi-Fi կետի անվան պատճառով: Այս մասին հայտնում է ABC News-ը։

«Թռիչքը… հետաձգվել է այն բանից հետո, երբ անձնակազմը տեղեկացրել է իշխանություններին «ռումբ» բառով Wi-Fi կետի հետ կապված ինքնաթիռում կասկածելի գործողությունների մասին»,- ասվում է հաղորդագրության մեջ։

Չվերթը նախատեսված էր Տեխաս նահանգի Օսթին քաղաքից Հյուսիսային Կարոլինա նահանգի Շառլոտ քաղաք:

Ուղևորներից մեկի խոսքով՝ մեկ այլ ուղևոր մոտեցել է բորտուղեկցորդուհուն՝ ցույց տալով նրան ինչ-որ բան իր պլանշետի վրա։ Նա կապ է հաստատել օդաչուի հետ, և ինքնաթիռը վերադարձվել է դարպասի մոտ: Օդաչուն դուրս է եկել խցիկից և հայտարարել, որ ինքնաթիռում գտնվող ինչ-որ մեկը վերանվանել է իրենց Wi-Fi կետը՝ «ինքնաթիռում ռումբ կա»: Ինքնաթիռում ոչ ոք ոստիկանությանը չի խոստովանել կատարվածի մասին, իսկ ուղեւորներն ու ուղեբեռը կրկին ստուգվել են։