Պահի լրջությունն է, որ ստիպել է ԱԺ ամբիոնից հանդես գալ։ Այդ մասին այսօր ԱԺ-ում հայտարարությունների ժամին հայտարարեց ընդդիմադիր պատգամավոր Գեղամ Մանուկյանը։
Նրա խոսքով՝ արդեն երկու շաբաթ է, ինչ մամուլում շրջանառվում է անգլալեզու փաստաթուղթ, ըստ որի՝ Հայաստանը ձեռքերը լվանում է Արցախից։
Ըստ Մանուկյանի՝ այդ փաստաթուղթն արժանացել է թե՛ Փաշինյանի, թե՛ Ալիևի հավանությանը։
«Այդ փաստաթղթում նշվում է՝ «Ադրբեջանի կառավարությունը ներկայացուցչի միջոցով կաշխատի ԼՂ հայ էթնիկ համայնքի կողմից առաջադրված Ադրբեջանի կողմից առաջադրված ներկայացուցչի հետ՝ քննարկումներ անցկացնելու ԼՂ բնակիչների իրավունքների և անվտանգության վերաբերյալ»։ Արցախցին էթնիկ փոքրամասնություն է Արևմուտքի համար։ Սա է մինչև տարվա վերջ ստորագրվելիք իբր խաղաղության պայմանագիրը»,- նշեց Մանուկյանը։
Ըստ նրա՝ այդ փաստաթուղթը «կրկնակի կապիտուլյացիա է»։
Մանրամասները՝ տեսանյութում