Ընդդիմության կողմնակիցները սկսել են լքել Թբիլիսիի կենտրոնում Վրաստանի խորհրդարանի շենքի դիմացի հրապարակը, որտեղ ցույց է տեղի ունեցել երկրում անցկացված խորհրդարանական ընտրությունների արդյունքների դեմ, հայտնում է РИА Новости-ի թղթակիցը։
Ընդդիմության առաջնորդների երեք ժամանոց ելույթից հետո ամբոխը սկսել է ցրվել տարբեր ուղղություններով, սակայն մարդկանց կուտակման պատճառով Ռուսթավելի պողոտան փակ է մնում տրանսպորտային միջոցների համար։
Բողոքի ակցիայի ժամանակ հավաքվածները սուլում էին նաև Հունգարիայի վարչապետ Վիկտոր Օրբանի ավտոշարասյանը, որի ժամանումը Թբիլիսի համընկավ ցույցի մեկնարկի հետ։ Ցուցարարները կրում էին Վրաստանի, ինչպես նաև Եվրամիության և Ուկրաինայի դրոշները։ Փողոցում կային ոստիկաններ և շտապօգնության աշխատակիցներ, սակայն գործողությունն ընթանում է առանց միջադեպերի, հայտնում է ՌԻԱ Նովոստիի թղթակիցը։