Իտալիայի Սենատը վստահություն է հայտնել վարչապետ Մարիո Դրագիին։ Այս մասին հայտնում է Ansa գործակալությունը։
Կողմ է քվեարկել 95 պատգամավոր, դեմ է հանդես եկել 38-ը։ Ընդ որում, կոալիցիոն երեք հիմնական կուսակցությունները հրաժարվել են քվեարկել:
Ավելի վաղ Դրագին պայման էր առաջադրել իր պաշտոնավարումը շարունակելու համար՝ հայտարարելով, որ պաշտոնում կմնա մասնատված կոալիցիայի վերամիավորումից հետո:
Ավելի վաղ Իտալիայի վարչապետ Մարիո Դրագին հայտարարել էր, որ հրաժարական կտա կառավարության ղեկավարի պաշտոնից:
Հրաժարականի պատճառը իշխող կոալիցիայի կուսակցություններից մեկի՝ «5 աստղերի շարժումը», որը մինչ վերջերս դրա հիմքն էր կազմում, հրաժարվելն էր մասնակցել Իտալիայի խորհրդարանի Վերին պալատում կառավարության վստահության քվեարկությանը:
Ըստ Դրագիի` դրա արդյունքները ցույց են տվել, որ «ազգային մեծամասնությունը, որն ի սկզբանե աջակցում էր կառավարությանը, այլևս չկա»:
Իտալիայի նախագահ Սերջիո Մատարելլան չի ընդունել վարչապետ Մարիո Դրագիի հրաժարականը, հայտնել է նախագահի գրասենյակը: