Բրիտանացի սննդաբան Էմիլի Լիմինգի խոսքով՝ ճակնդեղի հյութի նիտրատները (ազոտաթթվի աղերը) կարող են արդյունավետորեն թուլացնել անոթների պատերը՝ դրանով իսկ իջեցնելով արյան ճնշումը։ Շոգեխաշած ճակնդեղի օգտագործումը նույնպես օգնում է նորմալացնել այս ցուցանիշը: Այս մասին հայտնում է Daily Mail-ը։
Դիետոլոգը մեջբերում է հետազոտությունը, որը հրապարակվել է Hypertension ամսագրում 2014թ. Այս գիտական աշխատանքի արդյունքները ցույց են տվել, որ երկու ամսվա ընթացքում օրական 250 մլ ճակնդեղի հյութ խմելը կարող է նորմալացնել արյան ճնշումը (մասնակիցների մոտ այս ցուցանիշը նվազել է միջինը 8/4 մմ Hg-ով):
Այս թերապևտիկ ազդեցությունն ունենում են նիտրատները՝ ճակնդեղի ազոտաթթվի աղերը: Նրանք կուտակվում են բանջարեղենում, երբ պարարտացվում են ազոտ պարունակող խառնուրդներով։ Նիտրատները կարող են իջեցնել արյան ճնշումը՝ հանգստացնող ազդեցություն ունենալով արյան անոթների պատերի վրա: Լիմինգը նշել է, որ ճակնդեղի նիտրատները եռացնելիս կորցնում են իրենց օգտակար հատկություններից շատերը։ Այդ իսկ պատճառով բանջարեղենն ավելի լավ է ուտել հում կամ շոգեխաշած, ինչպես նաև դրանից հյութը քամել։