Հունվարի 17-ին հեռախոսազրույց է տեղի ունեցել Ռուսաստանի արտաքին գործերի նախարար .Լավրովի և Ադրբեջանի արտաքին գործերի նախարար Բայրամովի միջև։ Նախարարները քննարկել են երկկողմ և տարածաշրջանային օրակարգի մի շարք արդիական հարցեր։ 

Ռուսական կողմն ընդգծել է հնարավորինս արագ Լաչինի միջանցքի ապաշրջափակման անհրաժեշտությունը՝ համաձայն 2020 թվականի նոյեմբերի 9-ի  եռակողմ հայտարարության մեջ ամրագրված սկզբունքների: Ընդգծվել է նաև Ռուսաստանի, Ադրբեջանի և Հայաստանի ղեկավարների միջև պայմանավորվածությունների հիման վրա ադրբեջանա-հայկական կարգավորման առանցքային ուղիների վրա համապարփակ աշխատանքը վերսկսելու անհրաժեշտությունը։