Տարածքային կառավարման եւ ենթակառուցվածքների նախարար Գնել Սանոսյանն 39 տարի է ամանորը նույն կերպ է նշում։ Նախարարը MediaHub-ի հետ զրույցում անկեղծանում է՝ այս տարին էլ բացառություն չէ՝ գյուղում է նշելու, հայրական տանը։
«Բոլոր ամանորները ինձ մոտ նման են, գրեթե չեն տարբերվում, այն միշտ նշում եմ մեր գյուղում՝ հայրական տանը։ Արդեն 39 տարի է այսպես եմ անցկացնում, այս տարին էլ բացառություն չէ։ Ընտանիքով, եղբայրներով հավաքվում ենք մեր հայրական տանը՝ ծնողներիս հետ նշելու»,-ասաց նա։
Ի՞նչ ակնկալիք ունի Ձմեռ պապից, պատասխանում է․ «Ակնկալում եմ, որ աշխարհի երեխաներին երջանկություն բերի, թո՛ղ փոքրիկների սպասելիքներն ու երազանքները իրականություն դառնան»։
ՏԿԵ նախարարը գալիք տարում հայ ժողովրդին մաղթում է առողջություն, կամք, ուժ, «որպեսզի միասնական ջանքերով կարողանանք այս բարդ ժամանակաշրջանը հաղթահարենք ու մեր հայրենիքը զորացնենք, շենացնենք, հաջողություններ գրանցենք»։
Լիա Սարգսյան