Սերբիայի նախագահ Ալեքսանդր Վուչիչը ԵՄ-ի, Գերմանիայի և Ֆրանսիայի ներկայացուցիչների հետ հանդիպմանը հայտարարել է, որ Բելգրադի կողմից ինքնահռչակ Կոսովոյի Հանրապետության ճանաչում չի լինի:

Այս մասին նա գրել է սոցցանցերում՝ շարունակելով, որ փոխզիջում է անհրաժեշտ։
«Խոսում ենք Սերբիայի ապագայի մասին, Կոսովոյի ճանաչում չի լինի: Հենց հիմա մենք խոսում ենք Բելգրադի և Պրիշտինայի միջև երկխոսության և Արևմտյան Բալկանների տարածաշրջանային այլ հարցերի գծով ԵՄ հատուկ ներկայացուցիչ Միրոսլավ Լայչակի, Ֆրանսիայի և Գերմանիայի արտաքին և անվտանգության քաղաքականության հարցերով խորհրդականներ Էմանուել Բոնի ևԵնս Պլետների հետ: Միշտ պատրաստ եմ փոխզիջումային լուծումների՝ Սերբիայի սահմանադրությանը և ՄԱԿ-ի Անվտանգության խորհրդի 1244 բանաձևին համապատասխան»,- գրել է Վուչիչը: