Ուկրաինայի նախագահի ոճաբան Էլվիրա Հասանովան բացատրել է, թե ինչու Վլադիմիր Զելենսկին ԱՄՆ նախագահ Դոնալդ Թրամփի հետ հանդիպմանը կոստյումով չի եղել:
Ադրբեջանական ծագումով ոճաբանը «Financial Times»-ին ասել է, որ նա պատերազմի ժամանակվա առաջնորդ է, իսկ «պատերազմի ժամանակ քաղաքական գործիչներին կոստյումներ պետք չեն»։
Զելենսկին փետրվարի 28-ին կայացած հանդիպմանը կրել է ասեղնագործ եռաժանիով երկարաթև շապիկ։
Հասանովան ասել է, որ եռաժանին Ուկրաինայի ազգային խորհրդանշանն է, անկախության խորհրդանիշը: «Նրա ոճը սահմանում է 21-րդ դարում առաջնորդության չափանիշները, քանի որ նա ուժեղ անհատականություն է», - նշել է դիզայները:
Նրա խոսքով՝ Զելենսկու կերպարները «աշխարհին նրա ուղերձի մի մասն են»։
«Մենք չենք կարող կոստյումներ հագնել, երբ մեր զինվորները կռվում են, իսկ մեր ժողովուրդն ապաստարաններում է»,- ընդգծել է Հասանովան։