Չինական Global Times թերթի կողմից հարցված վերլուծաբանները վստահություն են հայտնել, որ Ճապոնիայի նախկին վարչապետ Սինձո Աբեի սպանությունը երկրիի պատմության մեջ «խոշորագույն քաղաքական միջադեպն» է Երկրորդ համաշխարհային պատերազմի ժամանակներից:
Չինաստանի միջազգային հետազոտությունների ինստիտուտի գիտաշխատող Սյան Հաոյուն GT-ին տված հարցազրույցում ասել է, որ ճապոնացի քաղաքական գործչի սպանությունը կարող է քաղաքական դրդապատճառներ ունենալ, քանի որ մի քանի օրից երկրում կանցկացվեն խորհրդարանի վերին պալատի ընտրություններ։
Չինաստանի Հասարակական գիտությունների ակադեմիայի ճապոնական հետազոտությունների ինստիտուտի հետազոտող Լու Յոդունը ասում է, որ Աբեի վրա հարձակումը «անկասկած» ճապոնական ծայրահեղ աջ ճապոնացիների բացասական արձագանքը կառաջացնի:
Ճապոնիայի նախկին վարչապետ Սինձո Աբեն մահացել է հուլիսի 8-ին՝ նրա դեմ հարձակման հետեւանքով։ Պարզվել է, որ հարձակվողը 41-ամյա ճապոնացի Տեցույա Յամագամին է, որը ծառայել է ճապոնական ռազմածովային ուժերում։ Ձերբակալվածը հայտարարել է, որ «դժգոհ էր» քաղաքական գործչից եւ «ուզում էր սպանել նրան»։