ԱԺ ՔՊ խմբակցության պատգամավոր Խաչատուր Սուքիասյանն այսօր լրագրողների հետ ճեպազրույցում հերթական անգամ հիշատակել էր ՀՀ երկրորդ նախագահ Ռոբերտ Քոչարյանին:
Պատասխանը չուշացավ. նախկին նախագահի որդին՝ Լևոն Քոչարյանը, գրառում է արել, որում նշվում է.
«Խաչատուր Սուքիասյանին, 4 տարի և ավել շարունակ ինչ հարցեր ասես, որ չեն տալիս լրագրողները, որոշները բարոյականության չափն անցնելով (ի դեպ սրանց մասով ասում են ձեր հետ կապ ունեն): Պատկերացնո՞ւմ եք, եթե ինձ չկարողանայի տիրապետել ինչ տխուր պատկեր կստացվեր, օրինակ այնպես ինչպես ձեզ մոտ եղավ այսօր(ձեր դեպքում լրագրողն ի դեպ ոչ մի սահնան չի անցել):
Դե, իսկ հիստերիկայի մյուս մասի հետ կապված դատարանում բացատրությունը կտաք»,- գրել է Քոչարյանը:
Հիշեցնենք, այսօր ԱԺ-ում Սուքիասյանը, անդրադառնալով իր անվան շուրջ վերջին զարգացումներին՝ «Սիլ պլազայի» շենքի ձեռք բերման պատմության շուրջ, 5-րդ ալիքի լրագրողին ամոթանք էր տվել, թե ապօրինի գույքը «ձեր էս ալիքի սեփականատիրոջն է, մենք ամեն ինչ ձեռք ենք բերել բիզնեսով ... Ռոբերտ Քոչարյանի ու մնացածի հետ գնացեք էդ միլիարդները բերե՛ք»: