ԱԺ պաշտպանության հարցերի մշտական հանձնաժողովում այսօր քննարկվեց Ազգային անվտանգության ծառայության տնօրենին ու տեղակալներին վարչապետի կողմից նշանակելու և ազատելու փոփոխությունների նախագիծը:
"Կառավարությունը հերթական անգամ հրատապության կարգով է բերում մի փոփոխություն, որը բխում է 2017թ․ "Հանրային ծառայության մասին" օրենքից, այսինքն՝ շատ ժամանակ կար փոփոխություններ անելու համար", - ասաց «Հայաստան» խմբակցության պատգամավոր Գեղամ Մանուկյանը։
«Այս կանոնակարգով մենք զրկելու ենք սահմանապահ զորքերի հրամանատարին պաշտոնական առաջխաղացումից։ 4-րդ հոդվածից հանելով գեներալ-լեյտենանտ և գեներալ-գնդապետ կոչումները, ԱԱԾ-ում այլևս որևէ տեղ չկա, որի հիման վրա հնարավոր լինի ռազմական հետախուզության պետին շնորհել գեներալ-լեյտենանտի կոչում»,- ասաց Մանուկյանը՝ դիմելով ՀՀ արդարադատության նախարարի տեղակալ Արմենուհի Հարությունյանին:
Մանրամասները՝ տեսանյութում