Մի երկրում, որտեղ իշխանազավթների անպատժելիությունն ու կազմակերպված իրավական բեսպրեդելը հասել է էն աստիճանի, որ բացահայտ արտահայտվում է, թե «էդ որ մի վնգստացող դատավորն ա, որ իմ ասածը պիտի չանի» արտահայտությամբ, կարծես թե, անիմաստ է առանձին օրենքների մասին ուղղակի խոսելը։ Այս մասին այսօր ԱԺ-ում իր ելույթի ժամանակ ասաց «Պատիվ ունեմ» խմբակցության պատգամավոր Աննա Մկրտչյանը։
«Խորացող անպատժելության և անիրավության մասին, դուք՝ հարգելի քաղաքացիներ, պետք է իմանաք։ Կամայականության հերթական դրսևորմամբ՝ սրանք մի նոր բան են շրջանառում. այսուհետ, ՔՊ-ական քննիչներն ու դատախազները իրենց հնչեցրած քաղաքական հրամանով ծանր հանցագործություն կատարած անձին կարող են անխոչընդոտ տուն ուղարկել, առանց իրավական և փաստական որևէ հետևանքի։ Մեզ վաղուց է հայտնի, որ իշխանազավթումը շարունակվում է միայն վախի ուժով, իսկ հիմա դրան կգումարվի փողոցում անխոչընդոտ հայտնված ծանր հանցագործները, որոնք պարտական են լինելու նիկոլական քննիչին ու դատախազին ազատության համար և, հետևաբար, պատրաստ են կատարել նրանց կողմից հնչեցրած ցանկացած հրահանգը, ապօրինի հրամանը, ցանկալի կարգավիճակը հանկարծ չկորցնելու համար»,-ասաց նա։
Մանրամասները՝ տեսանյութում