Չնայած ուշ ժամին, Ստեփանակերտի կենտրոնում շարունակվում է հանրահավաքը:
Մոտ մեկ ժամ առաջ հանրահավաքի մասնակիցները փակել էին նախագահականի մուտքը ու պահանջել, որպեսզի Արայիկ Հարությունյանն անձամբ իջնի ու իրենց հարցերին պատասխանի: Մասնավորապես՝ ի՞նչ է լինելու Արցախի հետ, ինչ է սպասվում Հայաստանից ու Ադրբեջանից լսվող վտանգավոր հայտարարությունների ֆոնին:
Մինչ այս պահը Արայիկ Հարությունյանը չի իջել հանրահավաքի մասնակիցների մոտ. MediaHub-ը փորձել էր ճշտել նախագահի խոսնակից, հասկանալ՝ կիջնի՞, թե՝ ոչ, սակայն հստակ պատասխան այդպես էլ չէինք ստացել:
Քիչ առաջ Արցախի ԱԺ նախագահ Արթուր Թովմասյանն է հանրահավաքի մասնակից քաղաքացիների մոտ իջել, փորձել խոսել, ինչ-որ պարզաբանումներ տալ, սակայն քաղաքացիները նրան կոչ են արել հեռանալ.
«Դու Արայիկը չես, թող նախագահը գա»,- հայտարարել են նրանք:
Նրանք պնդել են՝ Արցախը չի ընդունի և չի ճանաչի ոչ մի փաստաթուղթ, որով այն Ադրբեջանի կազմում կճանաչվի: