Այսօր՝ սեպտեմբերի 22-ին, արտակարգ դեպք  է տեղի ունեցել Արագածոտնի մարզում: Ժամը 20:40-ի սահմաններում  անհայտ մակնիշի և համարանիշի ավտոմեքենայի վարորդը Երևան-Գյումրի-Բավրա Մ1 ավտոճանապարհի 52 կմ հատվածում, դեպի Երևան ընթանալիս, հարվածել է ճանապարհին հայտնված խոշոր եղջերավոր անասունին:

Ինչպես դեպքի վայրից հայտնում է ֆոտոլրագրող Գագիկ Շամշյանը, վարորդը դեպքի վայրից հեռացել է, իսկ անասունը՝ սատկել:

Տեղում պարկները պարզել են, որ խոշոր եղջերավոր անասունը պատկանում  է Արագածոտնի մարզի Ներքին Բազմաբերդ գյուղի բնակիչ 67-ամյա Գևորգ Բ.-ին: 

Դեպքի վայրում վերջինս ասում էր, որ դեպքը տեղի է ունեցել 1,5 ժամ առաջ, կովը, որը սատկել է, կոչում էին «Զազո» ու լավ էր, որ նրա հետ գտնվող «Սևուկ» անունով կովին բան չի պատահել, սակայն զայրացած էր, որ վարորդը դիմել է փախուստի: