Հայաստանը խաղաղության պայմանագրի վերաբերյալ իր առաջարկները ներկայացրել է Ադրբեջանին և ստացել պատասխան. երեքշաբթի հայտնել է Հայաստանի արտգործնախարար Արարատ Միրզոյանը. փոխանցում է Ria.ru-ն։
Նա նշել է, որ դեկտեմբերին Մոսկվայում ադրբեջանական կողմի հետ հանդիպում պետք է կայանար, սակայն այն չեղարկվել էր։
«Բայց, չնայած դրան, մենք մեր առաջարկները ներկայացրել ենք ադրբեջանական կողմին, և ես ստացել եմ պատասխան ադրբեջանական կողմից: Եվ ես կարծում եմ, որ սա համատեղ աշխատանքի շարունակությունն է», - ասել է Միրզոյանը Գերմանիայի արտգործնախարարի հետ կայացած մամուլի ասուլիսում։
Նա նշել է, որ կողմերը կշարունակեն ուսումնասիրել միմյանց առաջարկները։