ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասն ասել է, որ ռուս-ուկրաինական հակամարտության կարգավորման շուրջ ոչ մի համաձայնագիր չի կարող լինել առանց Եվրոպայի մասնակցության։
«Այս պատերազմը Եվրոպայում է, վերաբերում է Ուկրաինային, բայց նաև Եվրոպային, իսկ իրական խաղաղության հասնելու համար Եվրոպայի մասնակցությունն անհրաժեշտ է: Ես չեմ տեսնում որևէ համաձայնագիր առանց ԵՄ-ի մասնակցության», - ասել է նա Corriere della Sera թերթին տված հարցազրույցում։
Իսկ Ուկրաինային տրամադրված ԵՄ օգնությունը Կալասը որակել է որպես ներդրում սեփական անվտանգության մեջ։
«Մեզ համար Ուկրաինային օգնելը չի նշանակում բարեգործություն։ Այդպիսով ներդրում ենք կատարում սեփական անվտանգության մեջ, որովհետև չենք ցանկանում, որ այս պատերազմն ավելի հեռու գնա, և մենք ուզում ենք կանգնեցնել այն», - նշել է նա։