ԱՄՆ նախագահ Դոնալդ Թրամփը հայտարարել է, որ Վաշինգտոնում վայրէջք կատարելիս ուղղաթիռին բախված մարդատար ինքնաթիռի անձնակազմը ճիշտ է գործել։ Քաղաքական գործիչն ընդգծել է, որ աղետի պատճառն, ըստ էության, ուղղաթիռի օդաչուի գործողություններն են եղել, փոխանցում է «ՌԻԱ Նովոստին»։

Նախագահը նաև նշել է, որ Վաշինգտոնում ինքնաթիռի և ուղղաթիռի բախման հետևանքով ողջ մնացածներ չկան։

Ավելի վաղ Թրամփը հայտարարել էր, որ Վաշինգտոնի Ռոնալդ Ռեյգանի օդանավակայանի մոտ երկնքում հնարավոր էր խուսափել ԱՄՆ բանակի Sikorsky H-60 ​​ռազմական ուղղաթիռի և Bombardier CRJ700 մարդատար ինքնաթիռի բախումից։