Ճապոնական Cellato ընկերությունը սահմանել է Գինեսի նոր ռեկորդ՝ ներկայացնելով մեկ մատուցման համար 873 400 ճապոնական իեն արժողությամբ պաղպաղակ։ Այս մասին հայտնում է Hypebeast-ը։
Պաղպաղակի ճապոնական Cellato ապրանքանիշը վաճառում է աշխարհի ամենաթանկ պաղպաղակը. Byakuya կոչվող քաղցր ուտեստի մեկ բաժինը հաճախորդներին կարժենա 873400 ճապոնական իեն (մոտ 6700 դոլար): Հատուկ աղանդերը պատրաստվում է մի շարք հազվագյուտ բաղադրիչներից, այդ թվում՝ ուտելի ոսկու տերևներից, հազվագյուտ պանիրներից, սակե ըմպելիքից և իտալական սպիտակ տրյուֆելից, որոնց մեկ կիլոգրամը արժե ավելի քան 15000 դոլար: Օսակայում հայտնի RiVi ռեստորանի շեֆ-խոհարար Տադայոշի Յամադուն 1,5 տարի աշխատել է յուրահատուկ պաղպաղակի բաղադրատոմսի վրա։
Ապագայում Cellato-ն նախատեսում է թողարկել այլ աղանդեր՝ բաղադրիչների անսովոր համակցություններով: Մոտ ապագայում՝ պաղպաղակ շամպայնով և սև խավիարով։