Ընտրությունները լուսաբանելու համար Միացյալ Նահանգներ ժամանած ռուս լրագրողները պահվել են օդանավակայանում, այս մասին Ռուսաստանին չեն ծանուցել, ասել է ՌԴ ԱԳՆ ներկայացուցիչ Մարիա Զախարովան «Radio Sputnik»-ի հետ զրույցում։
Զախարովայի խոսքով՝ «Իզվեստիա»-ի թղթակիցները անցել են անհրաժեշտ ընթացակարգերն ու ստացել բոլոր թույլտվությունները, սակայն նրանց բերման են ենթարկել ու հարցաքննել։
«Այնուհետև խմբի օպերատորին թույլ չեն տվել հատել սահմանը։ Նրա մուտքի վիզան չեղարկվել է՝ որպես պատճառ նշելով «ադմինիստրատիվ ռեզոնները»։ Թե դա ինչ է նշանակում, անհասկանալի է»,- ասել է ՌԴ ԱԳՆ ներկայացուցիչը։
ԱՄՆ նախագահական ընտրությունները տեղի կունենան նոյեմբերի 5-ին։