ՄԱԿ-ը կոչ է անում Ռուսաստանին և ԱՄՆ-ին հնարավորինս շուտ բանակցություններ սկսել համաձայնագրի շուրջ, որը 2026 թվականին փոխարինելու կգա Ռազմավարական հարձակողական սպառազինության կրճատման և սահմանափակման պայմանագրին (СНВ-3): Այս մասին մամուլի ասուլիսի ժամանակ հայտարարել է զինաթափման հարցերով ՄԱԿ-ի գլխավոր քարտուղարի տեղակալ Իձումի Նակամիցուն:

Նրա խոսքով՝ СНВ-3-ի գործողության ժամկետն ավարտվում է 2026 թվականին, կողմերը պետք է մինչ այդ պայմանավորվածություն ձեռք բերեն, այլապես աշխարհում զսպող միջոց չի մնա:

«Մենք շարունակում ենք երկու կողմերին կոչ անել հնարավորինս շուտ վերսկսել ներգրավվածությունը, որպեսզի աշխարհը չմնա առանց միջուկային զենքի սահմանափակումների»,- ասել է Նակամիցուն ճեպազրույցում։