Արևմուտքը գրեթե 60 հազար ուկրաինացի զինվոր է պատրաստել հակահարձակմանը մասնակցելու համար․ այս մասին հինգշաբթի օրը Բրյուսելում կայացած մամուլի ասուլիսի ժամանակ ասել է ԱՄՆ Զինված ուժերի գեներալ Մարկ Միլին՝ արևմտյան երկրների կողմից Ուկրաինային զենքի և ռազմական տեխնիկայի մատակարարումը համակարգող խմբի հերթական նիստից հետո։
«Ընդհանուր առմամբ, միջազգային ջանքերի շնորհիվ գրեթե 60 հազար ուկրաինացի զինվորներ վերապատրաստվել են հարձակողական գործողության համար», - ասել է ամերիկացի հրամանատարը։
Նրա խոսքով՝ արևմտյան պետությունները կշարունակեն Կիևին «լայնածավալ աջակցություն ցուցաբերել՝ ժամանակակից զենքի մատակարարումից մինչև հետախուզական տեղեկատվության տրամադրում և ուկրաինական ուժերի վերապատրաստում։
Նրա տրամադրած տեղեկությունների համաձայն՝ Ռուսաստանի կողմից հատուկ ռազմական գործողություն սկսելուց ի վեր ԱՄՆ-ն պատրաստել է ավելի քան 11 հազար ուկրաինացի զինծառայող, այսինքն՝ 12 գումարտակ։ «Ներկայումս պատրաստում ենք ևս երեք գումարտակ, տանկային գումարտակ և տարածքային պաշտպանության երկու գումարտակ»։