Ամերիկացի հիփ-հոփ արտիստ Շոն Քոմբսը, որը հայտնի է P. Diddy կեղծանունով, կրկին սեքս-սկանդալի մասնակից է դարձել։ Հայտնէլ է ABC News-ը։
Երաժշտական պրոդյուսերը դատական հայց է ներկայացրել ռեփերի դեմ՝ նրան մեղադրելով սեռական ոտնձգության համար։ Հայցվորը պնդում է, որ Կոմբսի կողմից ենթարկվել է կրկնակի անցանկալի հարձակման ու սեռական հպման: Փաստաթղթում նշվում է նաև, որ նա ստիպված է եղել աշխատել լոգարանում, մինչդեռ կատարողը ցնցուղ է ընդունել և մերկ քայլել նրա առջև։
Բացի այդ, պրոդյուսերը պնդում է, որ ռեփերն իրեն ստիպել է օգտվել մարմնավաճառների ծառայություններից եւ սեռական հարաբերություն ունենալ նրանց հետ։ Նա նկարագրել է, թե ինչպես է արթնացել անկողնում երկու սեքս-աշխատողների հետ՝ կասկածելով, որ իրեն «թմրանյութ են ներարկել»:
Քոմբսի փաստաբանը հայցում նկարագրված իրադարձություններն անվանել է «մաքուր ֆանտաստիկա»։ «Մենք կուսումնասիրենք այս ծիծաղելի մեղադրանքները դատարանում և կձեռնարկենք բոլոր համապատասխան միջոցները նրանց դեմ, ովքեր ներկայացնում են դրանք», - ասել է նա: