MediaHub.am-ը տեղեկություն էր ստացել, թե Արմավիր քաղաքի կենտրոնական փողոցում այսօր կատաղած ցուլ է հայտնվել, որը տակնուվրա է արել քաղաքը։ Ավելի ուշ ցլին սպանել են։
Արմավիրի քաղաքապետ Դավիթ Խուդաթյանը MediaHub.am-ի հետ զրույցում լուրը հաստատեց։ «Ցավոք սրտի, այո, ճիշտ է, բայց բարեբախտաբար լուրջ վնասվածքներ չկան։ Այս պահին գոնե ինֆորմացիան այդպիսին է: Բայց ամենայն հավանականությամբ հայտնվել է կենդանիների շուկայից, որը կազմակերպվում է շաբաթ օրը, քաղաքի ծայրամասում»,-ասաց նա։
Արմավիրի մարզից MediaHub.am-ի աղբյուրները հայտնեցին, որ այս պահին հստակ տեղեկություն չկա, թե ցուլն ինչպես է հայտնվել կենտորնական փողոցում։ «Ասում են՝ չի էլ հասել կենտրոնական փողոց, ճանապարհին արդեն բռնել են։ Հստակ բան չկա դեռ, մեկն ասում է՝ գոմից է փախել, մեկն ասում է դրսում է եղել»։
MediHub.am-ն ավելի ուշ մանրամասներ կհայտնի։
Լիաննա Թորոսյան