Ուսուցչի մրցույթին մասնակցելու համար աշխատանքային փորձի պահանջ չկա։ Շրջանավարտը՝ ով ունի ուսուցչի որակավորում, մրցույթն հաղթահարելուց հետո կարող է անցնել աշխատանքի: Այս մասին, կառավարության նիստում հայտնեց ԿԳՄՍ նախարար Ժաննա Անդրեասյանը:
Վարչապետ Նիկոլ Փաշինյանն առարկեց Անդրեասյանին և նշեց.
«Ես վստահ չեմ, որ ճիշտ կարգավորում է, որ ուսուցչի դեպքում չենք ուզում աշխատանքային փորձ, գյուղերում կադրերի խնդիր ունենք: Մենք կարող ենք մտածել այս ուղղությամբ, որ մեր շատ երիտասարդ ուսուցիչներ իրենց աշխտանքային փորձը սկսեն գյուղական դպրոցներից: Գուցե սահմանենք, որ Երեւանում աշխատելու համար պետք է աշխատանքային փորձ եւ աշխատանքային փորձ է համարվում նաեւ կամավորությունը: Գյուղական վայրերում կարող ենք կամավորությունը որոշակի աշխատավարձով լրացնել, որ նրանք շահագրգռություն ունենան գյուղերում աշխատելու»: